Alimpus miigo sa isla; ba'y naigo sa kahoy

BALAY giyak-an sa dakong punoan sa kulis human naigo sa alimpulos sa kagahapon sa kadlawon sa sityo Bonbon, Barangay Pangan-an usa ka islet nga sakop sa isla sa Olango, Lapu-Lapu.

Igo nalang sa pagtiyabaw si ginang Gina Medalla, 40 nga nagsud-on sa bahin sa iyang hinaguan nga balay nga nadugmok ang dapit diin mitugpa ang punoan.

Asoy pa ni Roberto Medalla, 48 nga kagahapon sa alas 4:00 sa kadlawon nakadungog sila og hinaguros sa hangin ug wala magdugay kalit nga mipaka ang ilang atop.

Wa­lay naangol. Na­ngatulog ang ilang mga anak diha sulod sa ilang gipuy-an.

Gawas sa maong kadaot ang mga punoan sa saging nga duol sa balay sa mga Medalla ang na­ngatumba usab.

Gihulagway nga ang karaan nga punoan sa kulis nabali duol sa tiilan niini sa dihang naagian sa alimpulos.

Samtang si weather specialist Leonardo Samar sa Pagasa Mactan nipahibawo nga kagahapon sa alas 2:10 sa kadlawon miluwat ang ilang buhatan og thunder storm warning sa dihang nasigpatan ang baga nga dag-om nga nanukad sa lungsod sa Carmen, Cebu.

Matod pa ni Samar ang maong storm warning gi-isa lukop Metro Cebu area.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph