DEAR Heartline,

Tawga lang ko sa pangalan nga Sunshine, 21 anyos usa ka bayot taga Santa Cruz. Naa koy uyab karon ug magduha nami katuig. Gusto na siya makakita sa iyang liwat niya. Dili baya nako ni mahatag. Ana siya bahalag wala siyay babae nga asawa basta makakita lang daw siya sa iyang liwat. Unsa man ang akong buhaton? Please tabangi ko.

Sunshine 0946

*****

Hi Shine,

Kalisud ba sa imong kahimtang, bisan siguro milagro maglisud pagbuhat sa buot mahitabo sa imong uyab.

Paki-pukaw daw ko anang karelasyon nimo basin ga-mata nag morning, lahi man og trip.

Pasabta siya nga imposible gyud kaayo ang maong butang.

Pangit man sab og mangita siyag babaye nga burusan, unya inig anak, kuhaon niya ang bata aron i-uban ninyo. Wa gyud tawoy inahan nga mosugot og ingon ana.

Pwede man sab nga mo-adopt mo og bata nga ilhon ninyong inyong anak.

Duna tay mga charity institutions nga bukas alang niini ug daghan bata sab ang naglaum nga makabaton og ginikanan.

Bisan og unsaon nato pagbali-bali, imposible man gyud kini.

Let him realize nga layo kaayo sa posibilidad ang iyang gipangayo.

Heartline