DEAR Heartline,
Ako si Jhoana Lyn. Mangayo lang ko og advice nimo. Naa koy uyab karon, mahal gyud nako siya, pero usa ka bulan pa mi og tunga. Naa nay nahitabo namo Heartline ug gusto niya nga hatagan daw nako siya og baby. 22 na siya samtang ako mag-18 pa lang. Unsa man akong buhaton karon.
rJhoana Lyn 0919***
Hello Lyn,
Ang pagbaton og anak, di baya na joke, so huna-huna og maayo.
Basin uroy og nakuratan ra mo anang inyong bonggang pagminahalay mao nga feeling ninyo palami ra tanan ang usa ka relasyon.
Ginhawa ug isip-isip sab pag may time. Kung buot niyang magka-baby, angay nga sabutan ninyo kini og maayo.
Of course, gikinahanglan nga may bendisyon ang inyong pagminahalay pinaagi sa kasal.
Di gyud baya tiaw ang pagmugna og pamilya, basin baya inig abot sa time nga gikapoy namog sabot sa usag-usa, mosurender namo, luoy sab tawon ang bata.
Bata pa kaayo mo, instead magsige mog huna-huna unsaon sa pagsatisfy inyong lawasnon nga concerns, why not you think about sa mas malungtaron nga kaayuhan sa inyong panag-uban.
Sa inyong edad karon, samtang sayo pa, kesa magsige og padala sa bugso ng damdamin mas maayong moplano alang sa ikalambo sa kinabuhi.
Kung nagtungha mo, then mo-eskwela og tarong. If nanarbaho mo, manginabuhi og sakto aron may matigum alang sa buot buhaton pag-abot sa panahon.
Daghan pa og pwedeng mahitabo. Kanang butanga, gikinahanglan ang pagplano aron di mapandol ug makaingon nga MERESE pag-abot sa kapit-os.
Nahasol
Dear Heartline,
Ako diay si Amy taga Digos, minyo kami. Pag makita nako ang mga files sa iyang cp nga nakapangalan sa iyang ex dati mura man og gikumot akong dughan makakita sa pangalan sa iyang ex. Unsa akong buhaton.
Amy 0946***
Hi Amy,
Natural lamang gyud ang imong reaksiyon. For us girls, gusto gyud kita nga loyal kanato ang atong partner ug kita ra gyud ang babaye sa ilang kinabuhi, aside sa ilang igsuong babaye ug inahan.
Alang kanako, it's a big slap o sagpa nga makakita ka pa og traces o butang nga mopahinumdum sa kagahapon.
You better talk to your husband aron ma-settle kini.
Di man pwede nga magluom-luom raka diha sa imong gibati, unsaon man pagkasayod sa imong bana nga gahuot imong dughan?
Open your line of communication, dili nang di na lang ka moreact.
Past is past ika nga, but kung naga-bother gyud kini nimo and sa tan-aw nimo naka-apekto kini sa inyong relasyon nga magtiayon, then sit down, and settle it.
Ayaw na padugaya nga mohatag pa kini og di maayong epekto sa inyong relasyon.