"IT is a SHAME that there is that DOUBLE STANDARD. Sayang daw ako 'cause I'm a single mother." Linya kini sa usa ka shampoo commercial sa aktres nga si Denise Laurel. Hello diay to all of you out there!

Si Denise, matud sa maong tv commercial ningbati og diskriminasyon sa atong sosyidad. Ang "double standard" mao ang "unfair" or "bias" nga panlantaw sa publiko kanato nga kasagaran ginabase sa mga binuhatan nato.

In her case, "disgrasyada" siya. Guilty pod ka? Nah, daghan na ta!

Bitaw, ang atong kinabuhi napalibutan og daghang mga balaudnon, proseso ug tinuohan; alang ra pod sa atong kaayohan. Bawal mamakak, mangawat, mopayat ESTE mopatay diay, manapaw, mosapaw (walay labot ang upaw) ug mobuhat og dili makaangayo'ng butang sa atong isig-kaingon.

Kung masakpan ta nga nakasala o bisan wala pa nakompirma apan nabalita na - "guilty as charged" dayon ang sistema sa kadaghanang tawo nga hait kaayo'g mga mata.

Sa maong advertisement, gikanayon nga "makaulaw" o "shameful" nga adunay double standard o dili pantay nga pagtan-aw sa iyang (Denise) sitwasiyon. I agree gamay, igsuon, BUT anaa lang gyud pod ko'y gustong klaruhon.

Dili gyud maayo nga atong husgahan ang uban, ug bisan ang atong kaugalingon kon duna kita'y nabuhat nga "mali" bisan "lami", igsuon. Aguroy! Ang dili guilty mamahimo nang mohusga sa kalibutan.

But first thing's first, dili man pod nato maikapasigarbo kung hiwi pa sa kawayang liki ang atong mga gawi!

Ang kaulaw nga atong bation sa matag-makasala ta, igsuon, kay natural nga konsekwensya kung tinunto ang binuhatan ta, miga.

Dili ikatingala kung ikaulaw kita bisan sa atong mismo'ng pamilya kung nagpabadlong kita'g taman. Giingnan bitaw ta nga magtinarong; naah.. mikiat man hinuon. Magpalusot dayon og "I am sorry - tawo lang lagi." No excuses!!!!!....

To Denise, you, me and everyone else nga usahay "korek" ug usahay "guilty," everyday is a chance na gumawa ng tama at mabuti. Pasalamatan nato ang kahigayonan, pre.

Dili nato kapugngan nga malain ang pagtratar ug hukom kanato sa silingan apan maluluy-on ang atong Langitnong Amahan. Dili pa ulahi ang pagpangayo og kapasayloan ug pinaagi sa Iyang grasya paningkamotang mag-move on gikan sa mga ngilngig natong naandan.

Ang atong kapakyasan kaniadto nagtangag dili lamang kasakit apan apil ang nindot nga leksiyon, migo. Unta mamahimo kining giya alang niadtong kasamtangan sa sala nagkapa-kapa aron matarong ang pagkinabuhi ta. Can you whip it? Thank God- I DID! Amen.