TARGET sa Alfa Dance Sport team nga mobulsa pa og bulawang medalya nga makigsangka sa Dance Sport Council of the Philippines (DSCPI)-Midyear Ranking sa Hulyo didto sa siyudad Pasig.
Kini ang pahayag ni Mudsci president ug Alfa team coach Aldrin Jardinel, kauban si assistant coach Farrah Alfaro atol sa Davao Sportswriters Association (DSA) Forum didto sa NCCC Mall Davao B3 Center niadtong Huwebes.
Sumala ni Jardinel nga bag-ohay lang sila midaug sa Philippine National Games (PNG) ug tungod niini naghinam-hinam na sila makigkompetensiya sa mga maayong mananayaw sa tibuok nasud, "Hindi expected yung pagkakapanalo namin sa PNG kasi kami lang ang nag-compete from Mindanao. Dahil dun, mas magpupursige pa kami to win medals for the city."
Dugang ni Alfarro mas tutok sila karon sa tim nga makahatag og dungog sa Dabaw, "As a new team, we are more focused in training our players to make them more prepared for bigger competitions. We make it sure that may patutunguhan ang lahat ng paghihirap ng mga bata and that they will be more competitive sa sport."
Ang magsuong Jardinel, Patrick Kyle ug Patricia Louise sa University of Immaculate Concepcion (UIC) nakabulawan sa PNG, "Inspired talaga kami sa coaches namin and we owe all our success sa kanila."
Ang laing pangbato sa Alfa mao sila Ateneo de Davao University's (AdDU) Francis Anthony Abadia, football varsity player Luisa Isabel Uy, triathlete Aaliyah Isabel Pacheco ug laing atleta sa Davao City Special School Sped Bangkal ug Paquibato District. (Marizz S. Robilla)