GIINGONG mokabat sa 3,000 ang mga nakasupak sa balaod trapiko labina diha sa mga miagi sa nagkadaiyang flyovers ning siyudad sa Cagayan de Oro.
Kini ang gibutyag ni Atty. Edgardo Uy kinsa hepe sa Task Froce Hapsay Dalan sa siyudad.
Gibutyag niini nga sagad sa gakadakpan mao ang mga single bike o mga motorsiklo ug mga trailer truck driver nga gibawalan usab sa pag-agi sa mga fly-over labina diha sa fly over sa CM Recto.
Kahinumduman nga gidli ang mga bug-at nga mga sakyanan nga kargado og bisan unsa ang moagi sa fly over apil na ang mga motorsiklo.
Matud ni Uy nga pamultahon ang mga nakasupak og P1,500 sa unang kasupakan. Apan kung magsunod sunod moabot na kini, kuhaon na ang lisensya.
Gipasabot usab ni Uy nga sagad sa mga motorista ang ilang mga traffic enforcer lamang ang gabantayan ug aduna gyod mga badlungon nga driver nga gaagian niini.
Samtang gibutyag usab niini nga prayoridad gyod nila ang truck ban labina ning tingklase nga gidili sila nga mobiyahe sa mga oras nga daghan mga trabahante ug mga studyante.
Sa pagkakaron pokos sila sa pag-instalar sa mga traffic lights ug closed circuit television camera (CCTV). (SVB)