USA ka 5-anyos nga batang' babae ang giingong' gitabangan og lugos sa 9 ug 10-anyos nga kadula niini niadtong niaging adlaw mga alas 6 sa gabii sa Barangay Sta. Cruz, lungsod sa Tagoloan, Misamis Oriental.

Ang biktima itago sa ngalan nga Abeth, residente sa susamang dapit ug suspek nga 9 anyos ug 10 anyos nga itago gihapon sa ngalan nga Jong ug Leon.

Si Police Senior Inspector Maricris Mulat, hepe sa Tagoloan Police Station nisaysay nga basi sa ilang nakuha nga imbestigasyon, ang biktima ug mga suspek nagdula og balay-balay kuyog ang upat ka mga lalaki nga nagpangidaron og 12-anyos nga ilhon sab sa ngalan nga Troy, kinsa maoy giingong naglider-lider, ang duha ka mga suspek nga si Jong ug Leon ug laing 6 anyos nga batang lalaki nga itago sa ngalan nga Olong, kinsa ig-agaw sa biktima.

Gibutyag nga sa wala pa nahitabo ang insidente giingong gipatan-aw ni Troy ang biktima kuyog ang mga kadula sa giingong usa ka sex video nga anaa sa cellphone.

Gimandoan dayon niini ang 9-anyos ug 10-anyos nga huboan si Abeth hinungdan sa kakurat sa bata.

Si Abeth giingong wala motingog ug gipadayon sa 9 ug 10 anyos ang ilang gihimong paghinol sa pribadong parte sa bata. Dihang wala nakuntento, mipatong na ang 9-anyos samtang miapil usab og patong ang 10 anyos hinungdan nga nakahilak na ang biktima ug nakuha sa mga suspek tinguha.

Si Olong kinsa nakakita sa tanan hitabo ang gipahubo usab ni Troy ug gihinol ang pribadong parte ni Abeth.

Gumikan sa sige'g hilak sa biktima, nadungog na kini sa inahan nga nangita niini niadtong tungora.

Mitug-an ang 5-anyos sa gihimo sa duha hinungdan nga nagsininggitay ang ilang mga ginikanan tungod kay dili madawat sa inahan ang nahitabo.

Nagpatabang ang inahan sa kapolisan ug deretsong gipaubos sa medical examination ang biktima ug positibong dunay nahitabo niini.

Anaa usab sa kostudya sa kapolisan ning panahona ang mga bata nga nalambigit sa hitabo uban sa ilang mga ginikanan.

Matud ni Mulat nga unta magsilbi kining leksyon sa mga ginikanan nga dili basta basta ipakuyog ilang mga anak sa mga lalaki nga bata.

Likayan usab nga magsige og tan-aw sa mga malaw-ay nga mga pelikula o bisan diha sa mga internetan ingon man pagpahupot sa mga cellphone labina kahibalo na sila mo-operate niini.

Dugang ni Mulat nga unta bukas kanunay ang mga ginikanan ug tudloan ang mga anak kung unsay maayo ug dili aron malikay sa susama niining hitabo.