Mograbe ang traffic

UNANG adlaw karon sa klase sa mga pribadong tunghaan dinhi sa Davao. Ug lauman sab nato nga maghuot ang trapiko tungod kay daghan namang estudyante nga mosud sa ilang klase.

Suma ni Traffic Management Center officer-in-charge Superintendent Rodhelio Poliquit nga lauman nga grabe ang traffic ang masinati karon sa downtown area, partikular sa McArthur Highway.

Gawas sa pagbukas sa klase, makapasamot sab sa kahuot sa trapiko mao ang giayo nga Governor Generoso Bridge II.

Ug ang makapasamot sa kahuot sa trapiko mao ang atong mga adunahang estudyante nga di gyud pwede kung di ihatud sa ilang mga mahalong sakyanan.

Ang nakaparat pa gyud tungod kay wa man lagi sila naanad sa dinalian nga lihuk, magdugay gyud pagpinaabot ang ilang mga drayber. Ang resulta: trapik kaayo, daghan ang moinit ang ulo.

Busa, alang sa atong mga estudyante nga mosakay lang og de pasaherong dyip, pagsayo gyud aron di kamo mauwahi sa klase.

Ug alang sa mga adunahang estudyante, tumana ninyo ang mga traffic advisories aron di kamo makahasol sa ubang mga tawo.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph