DEAR Tita Heart,

Ako diay si Nor, 22 years old. Gusto unta ko magpatambag sa akoa problema. Parte sa akong kalive-in. Naa siya karon sa Iligan nagwork, sige mi away kay gaduda ko niya nga naa siya lain. Manawag ko dili niya tubagon.

Niprangka ko niya nga bulagan nalang ko kung nay lain aron dili nako manawag og magsinanamok pero wala siya nisugot kay wala daw siya lain ako ra daw. Tambagi ko tita Heart.

Nor

*****

Hello Nor,

Murag dili ka kuntento sa iyang tubag nga ikaw ra gyod og wala nay lain pa ang iyang gihigugma ba mao nipadala ka denhi nako? Pagsalig nalang sa imong uyab. Dili man pod tanan lalaki susama sa imong gihuna-huna. Basin busy lang siya sa trabaho mao dili matubag ang cellphone o bakaha nag CR o unsa ba. Dili pod baya sa tanan panahon gahupot sa cellphone kay naa bya trabaho. Huna hunaa dili tambay imong uyab nga sa cellphone ra gaatubang. Ipadayon inyong relasyon ug walaa kanang mga pagduda.

Tita Heart