TULO ka samad ang naangkon sa biktima humad gitigbas sa ugangan hinungdan nga nadala kini sa balay tambalan sa siyudad sa Cagayan de Oro mga alas 7:00 sa gabii niadtong niaging adlaw sa Crossing Patulangan, Impasug-ong, Bukidnon.
Ang biktima mao si Allan Ybañez, 31, minyo ug residente sa Pantulangan, Impasug-ong, Bukidnon.
Nasayran kaniadtong milabayng adlaw nga ang biktima nga si Ybañez suspetsado kini sa pagpangdunggab sa kaugalingong bayaw nga nahimong kritikal ang kahimtang nga anaa usab sa Northern Mindanao Medical Center ning siyudad.
Usa ka samad tinagbasan sa tuong bahin sa aping, isa sa dughan ug isa usab sa likod niini ang naangkon sa biktima human gitigbas ginamit ang sundang sa iyang ugangan nga si Efren Lala-an.
Subay sa biktima nga nag-away kuno sila sa iyang asawa ug ang suspetsado milaban sa anak niini ug niabot kini sa punto nga mikuha sa mahait nga butang dayog tigbas sa biktima.
Kasamtangang nagpaalim ang biktima sa mga naangkong samad tinigbasan sa NMMC ning siyudad samtang atua usab sa laing ospital ang suspetsado nga ugangan niini tungod kay samaron man usab kini tungod kay gidunggab man usab kini sa biktima.