ADUNAY mokabat 12 ka mga kandidata ang napili nga gikatakdang ipresentar sa mga sakop sa prensa karong Hunyo 15, sa Limketkai Rotunda, siyudad sa Cagayan de Oro.
Tulo ka mga hugna sa screening ang gihimo niadtong Abril 12 ug 26 ug gisundan dayon niadtong Mayo 2, ning tuig sa VIP Hotel usa gipili ang mopasok nga kandidata sa umaabot nga indigay sa prestihiyosong Miss Cagayan de Oro 2014.
Ang mga kandidata gilangkuban nila ni Princess M. Go gikan sa Barangay Gusa; Jessica B. Abinez, nga representante sa Barangay Lapasan; Althe H. Bernalez sa Barangay Canitoan; Rachel Faye M. Tagpulot sa Barangay Bulua; Novanmae C. Marcojos sa Barangay Patag; Kor Jeanne E. Graces sa Macasandig; Zhairra M. Bas ug Marjorica A. Bautista sa Barangay Kauswagan; Mitsume A. Aguilar ug Jane R. Maceda sa Barangay Lumbia; Beatrice Alverez sa Barangay Carmen; ug Sherra Mae Vacalares sa Barangay Camaman-an.
Sa kasamtangan, ang maong mga kandidata gipaubos ug nagkalain-laing training ug seminars sama sa runway coaching seminar, styling seminar sa gihimo sa ilang pageant stylist nga mao si Dennis Almazan.
Aduna usab gihimo nga Personality Development Seminar ug Speech and Grammar seminar ingon man gitudloan usab sila sa mga social issue denhi sa siyudad.
Ang Miss Cagayan de Oro usa sa highlight sa umaabot nga Kagay-an Festival karong umaabot bulan sa Agusto.