MOBALOR og P8 milyunes nga shabu ang nasakmit kagahapon sa hapon sa Philippine Drug Enforcement Agency (PDEA) 7 sa Brgy. Lorega San Miguel, dakbayan sa Sugbo.
Mokabat sa kinatibuk-ang 20 ka dagkong putos nga motimbang og tag 50 gramos ang nasakmit sa mga operatiba gikan kanila ni Editha Paul, 58, ug sa iyang anak nga si
Maricris.
Nakadawat ang PDEA 7 og tip gikan sa usa ka informant nga ang shabu i-deliver sa usa ka courier service.
Mga ahente sa PDEA 7 nanaghuwat sa shabu nga moabot ug dihang kini gi-claim sa inahan ug anak, ila dayon kining gidakop.
Ang drugas gikatahong gitagoan sa tikod sa rubber sandals.
Base sa courier details, gipadala kini gikan sa usa ka mall sa Alabang, Muntinlupa. JTR sa Sun.Star Cebu