Tita Heart: Nasapon

DEAR Tita Heart,

Naa ko problema bahin sa gugma. Tawga lang ko sa ngalan nga Trix. Akong live-in partner naa na karon gawas sa nasod. Among komunikasyon pinaagi na lang sa Skype kay dili ko kaayo ga Facebook. Tita, wala mi nagpakasal kay daghan rason ug gusto niya mogawas sa siya. Tita, bag-o lang gitagaan ko niya og account sa iya f bug didto sa private msg nakita nako ang iyang msg ug usa ka lalaki nga grabe ka close lupig pay magtiayon. Nasakita ko tita kay love nako ang akong kaipon, unsay akong buhaton tita. Angayan bako masuko nga dili man mi kasal apan naa mi usa ka anak.

Trix

*****

Hello Trix

Aduna gihapon kay karapatan masuko kay sa wala pa siya nibiya kamo ang nag-ipon kuyog sa inyong anak. Aduna kay katungod nga mangutana o mokompronta kaniya. Paminawa unsay iyang explanation sa imong mga nabasa kay kung dili pod ka niya love never gyod niya ihatag iyang account sa imoha apil password. Ayaw nalang deretso i judge ug dapat imong huna-hunaon sab sa pagbalik niya nga mahatagan siya og assurance nga mapakaslan pod nimo siya kay basin usa na sa rison nganong gatumpang siya og chat sa lain kay basin pod og kulang ka sa time kaniya labina mingaw kaayo kung naa gawas sa nasod.

Tita Heart

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph