GIPATAS-AN ang travel allowance sa mga trabahante sa Kapitolyo human nakita ang ilang sakripisyo panahon nga mobiyahe.

Si Misamis Oriental Governor Yevgeny Vincente B. Emano nimando nga patas-an ang ilang monthly travel allowance ceiling sa mga empleyado labina sa opisyal nga oras.

Gikan sa P600, buot niining ipaabot og P1,500.

Gipasabot ni Emano nga iyang nakita ang kahago sa mga empleyado nga muadto sa mga baranggay aron lamang pagtunol og serbisyo.

Gani daw ang maong allowance gakakuhaan tungod kay adunay mga kabus nga gapangayo pa og mga hinabang ug agi og tabang itunol na lamang nila.

Mismong si Teogenes Yrat Jr. ang empliyado sa Kapitolyo nga sagad moadtoan sa mga barangay oras sa tingtrabaho mapasalamaton kini sa inisyatiba sa gobernador nga usbawan ang allowance tungod kay daw nabati niini ang ilang panginahanglan.

“Nagpasalamat gyud ko kay kay gi-usbawan ang travel allowance, labina kung mag-adto ko sa mga bukid nga bahin sa lalawigan, magabin-an, magamit nako ang usbaw maski pamilite papauli sa among mga kaugalingong lawak,” butyag niini.

Gipaniguro usab sa gobernador nga ihatag sa mga empliyado ang angayan nga para kanila. (SVB)