Preventive suspension ni Mayor Garcia napupos na

MAPUPOS na karong adlawa ang 60 ka adlaw nga preventive suspension ni Dumanjug Mayor Nelson Garcia.

Ang mayor gisuspenso samtang gihimo sa Hunta Probinsiyal ang imbestigasyon sa reklamo batok sa opisyal nga giingong nanghilabot sa mga buluhaton sa konseho sa ilang lungsod.

Pagka-karon, wala pay rekomendasyon ang Hunta Probinsiyal kung pasakaan ba gyud ug pormal nga kaso si Mayor Garcia, apan nakuha na nila ang mga dokumentong gikinahanglan subay sa reklamo ni Bise Mayor Gungun Gica batok niya.

Matod sa chairman sa Comm. On Complaints and Investigation sa Hunta Probinsiyal, Bokal Arleigh Sitoy, dili na makaapekto sa ilang imbestigasyong ang pag-asumir na’g balik ni Garcia sa iyang posisyon, human mapupos ang iyang preventive suspension.

Giklaro ni Sitoy nga wala nay extention sa suspensiyon sanglit nakuha naman nila ang mga gikinahanglang dokumento.

Sa laing bahin, ang kampo ni Mayor Garcia niduso og mosyon ngadto sa provincial board alang sa pagpahunong una sa ilang imbestigasyon.

Apan matod ni Bokal Sitoy, gibasura na nila kini tungod kay walay kamanduan ang korte nga nagpahunong kanila sa ilang imbestigasyon.

Karong adlawa ipadayon na sa komitiba ang husay sa reklamo batok ni Garcia.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph