HELLO! Kumusta kamong tanan diha nga side? Wa na say klase atong mga students karon kay Independence Day man, di ba?

Busa, karong adlawa hisgutan nato ang kasaysayan, paunsa nakatagamtam kitag kagawasan gikan sa kamot sa mga Espanyol.

Hunyo 12, 1898 gideklara kini nga adlaw isip usa ka 'pista opisyal' kun holiday isip paghinumdom sa kabayanihan sa mga Filipino hinungdan nga naangkon nato ang kagawasan.

Usa si Emilio Aguinaldo uban sa mga maisugong Filipino ang nakigbisog batok mga Espanyol, nahukman kini sa Biak-na-Bato.

Human milangyaw si Aguinaldo gumikan sa kasabutan, mibalik siya ug mao na ang panahon nga miwara-wara sa bandila sa Pilipinas didto sa Aguinaldo Shine.

Tungod niini, bisan karon anaa pa sa kasingkasing sa matag Pilipino ang pagrespeto sa bandila sa Pilipinas nga maoy misalamin sa kaisog sa mga Pilipino batok sa mga langyaw.

Sa kasamtangan nga panahon naa pa ba diha sa atong kasingkasing ang paghandom sa kabayanihan sa atong mga inilang bayani?

Ani-a ang atong mga nahinabi:

Garbo

"Proud ko sa kaugalingon, labi na sa flag ceremony, kay mabati gyud nako ang pasakit nga natagamtaman sa atong mga katiguwangan. Sa akoa sab, isip umaabot nga kabahin sa Philippine National Police, nakita nako sa kaugalingon kung unsay mga himuong butang nga parehas sa gihimo niadto sa atong mga soldiers." Khim Rodney Simogan, BS-Criminology, University of Mindanao, Davao City

Gikulong gihapon ta

"Dili angay i-celebrate ang Independence Day kay sa issue pa lang sa China ug Pilipinas karon, gikulong na ta. Dapat pakusgan pa sa atong military forces nga di gyud ilugon sa ubang nasud ang yuta sa Pilipinas. Diha pa nako masulti nga naa tay kagawasan kung di ta mosugot sa plano sa ubang." ~ Jarai Noval, Self-employed, Barangay 37-D Poblacion, Davao City

Bugtong nabilin

"Naangkon man nato ang freedom. Mao nalang na ang nabilin nga ikapasigarbo natong mga Pilipino, kay kung moingon ta sa politika, grabe gyud kahugaw. Hugaw pa sa paburot. Way ayo atong mga lideres karon." ~ Orven Espedilla, Self-employed, Barangay 22-C Poblacion, Davao City