MAKIGKONTRA si Minnesota Timberwolves forward Kevin Love sa pipila sa mga three-point artists sa Philippine Basketball Association (PBA) alang sa Master Game Face All-Star Basketball Challenge sunod semana sa Araneta Coliseum.

Gawas niini, ang 6’10” nga magduduwa ug 3-time National Basketball Association (NBA) All-Star mopasiugda sab og basketball clinic sa Manila Boystown sa Marikina City.

Mao sab kini ang mangulo sa charity auction sa Makati Shangri-La Hotel.

Si Love, kinsa nag-average og 26.1 puntos sa regular season, maoy kampiyon sa three-point shootout sa NBA niadtong 2012.

Siya sab ang naggunit sa rekord sa NBA nga nakamugna og 2,000 puntos, 900 rebounds, ug 100 three-point shots sa usa lang ka season sa NBA.

Ning puntoha, wala pa’y tino kon magpabilin si Love sa Timberwolves.

Lakip sa posibleng ikaparang ni Love mao sila si Ranidel de Ocampo, Jeff Chan, Mike Cortez, Jimmy Alapag, Gary David, Mark Barroca, ug Larry Fonacier.