DEAR Noy Kulas,

Usa ko ka inahan pero dili asawa. Naa koy ka live in sa una pero patay na. Karon naa koy problema aning tulo nako ka mga anak kay wala man ni sila bunyagi. Ako Katoliko pero kadtong ka live-in nako Christian.

Niabot ang time nga namatay to siya nga wala pa mabunyagi ang akong mga anak. Mag-college na ang akong kamaguwangan unya gusto ko sa Catholic school nako siya paeskwelahon. Apan mao lagi wala pa man ni sila nako mabunyagi.

Unsa kaha ang akong buhaton? Ako kaha mismo moduol sa ilang dako-dako nga relihiyon sa akong ka live-in sa una aron lang magpamiyembro akong mga anak unya mabuhatan og baptismal, Noy?

AMY,

Amy,

First, ang denomination sa imong bana ug ang atoang Katoliko pulos Christian. Lainan baya ko maminaw anang uban nga motawag sa Protestant denomination nga Christian or born again Christians. Nagpaila lang gyud na nga daghan kanato ang wa makaila sa Simbahang Katuliko. Kristiyano baya kita sama ana nila.

Kon ikaw Katuliko, wa nay problema. Pagkuha og birth certificate sa imong mga anak unya iparehistro sa inyong parokya aron mabunyagan. O aron magiyahan ka unsay mas angay ug tukma nga buhaton, bisitahi ang inyong parokya unya pakigsulti sa parish council officials o kaha sa pari mismo aron matambagan ka sa unsay pagasubayon, labina kay Protestante diay tong imong bana. Sa nasugatan nako nga case nga susama sa imoha, matod sa akong higalang pari, pahuwaton og legal age kun 18 years old unya pahukmon kon asa siya magpabunyag, sa Katuliko ba o sa ilang denomination. Basin mao sab nga proseso ang agian sa imong anak. Apan namatay na man sab tong ilang amahan, ikaw nga inahan nga Katuliko dunay dakong katungod over sa imong mga anak.

Apan sa ako nang giingon, konsulta sa inyong parokya.

NOY KULAS

Alang sa imong problema, e-mail lang sa: kulassuper@sunstar.com.ph