GISILOTAN sa kamatayon ang milugos ni Maggie dela Riva, 25, sa Hunyo 26, 1967, 46 ka tuig na. Sikat nga TV ug movie actress gidagit sa notadong mga sakop sa gang sa Swanky Hotel, Pasay City. Gipasoan og sigarilyo ang kinatawo human among-amongi ang katam-is.
Gipalingkod sa silya elektrika sa Mayo 17, 1972 sila si Jaime Jose, Basilio Pineda, Edgardo Aquino ug Rogelio Canal. Samtang nahiagom usab og silot sa kamatayon sa lethal injection si Leo Echagaray sa Peb. 5, 1999. Iyang gilugos sa lima ka higayon ang 10 anyos nga anak sa ilang pinuy-anan sa San Francisco del Monte, Quezon City. Gilibkas ang Death Penalty Law (RA 7659) sa Hulyo 24, 2006 pinaagi sa RA 9346 gumikan sa nag-asod nga lantugi.
* * *
Walay kahayag ang Senate Bill 2080 ni Sen. Tito Sotto nga magpukaw sa silot sa kamatayon sa linuog nga mga krimen. Hugtanong misupak ang Malacañang ug simbahan.
Pagpatay sa magsoong Maryjoy ug Jacqueline Chiong sa Hulyo 16, 1991, akusado si Paco Larañaga ug kaubanan. Visconde massacre sa Hunyo 30, 1991, akusado si Hubert Webb ug kaubanan. Pagpatay sa manag-uyab Eileen Sarmienta ug Alan Gomez, tinun-an sa UP Los Baños sa Hunyo 28, 1993, akusado si Calauan Mayor Antonio Sanchez ug mga bata-bata.
Paglugos sa 11 anyos ni Cong. Romeo Jalosjos sa Zamboanga del Norte sa 1993. Pagpatay ni Publicist Bubby Dacer ug driver Emmanuel Corbito sa Indang, Leyte sa Nob. 24, 2000, akusado sila si Glenn Dumlao, Cesar Mancao, Erap Estrada, Fidel Ramos ug Ping Lacson.
Pagpatay ni Alona Bacolod-Ecleo sa Banawa, Cebu City sa Enero 5, 2002, akusado iyang bana nga si Cong. Ruben Ecleo Jr. Pagpatay ni Jun Pala, komentarista sa Davao sa Sept. 26, 2003 nga gisundan ni Freddie Lintuan. Maguindanao massacre sa Nob. 23, 2009, akusado sila si Andal Ampatuan Sr. ug Mayor Andal Jr. Pagpatay ni Gerry Ortega, broadcaster sa Enero 24, 2011, akusado ang magsoong Palawan Gov. Joel Reyes ug Coron Mayor Mario Reyes. Pagdagit-patay ni Ellah Joy Pique, 6, sa Calajoan, Minglanilla sa Peb. 8, 2011, akusado ang manag-uyab Ian Charles Griffits ug Bella Ruby Santos.
Pagpatay ni Cyrish Maglasang, 20, cum laude sa Sto. Tomas University, Bacoor Cavite sa Okt. 2012, akusado ang magsoong Rolin ug Roel Gacita Jr. Pagpatay ni Jaja Rodelas, 20, model ug TV talent sa Cubao, Quezon City sa Nob. 6, 2012, akusado ang manag-uyab Althea Altamirano ug Fernando Quiambao Jr. Niining uwahi ang pagbanhig-patay ni Atty. Noel Archival ug duha ka kauban sa Coro, Dalaguete sa Peb. 18, 2014, akusado ang HPG.
* * *
Kulba kining lugar ni Gov. Vilma Santos sa Batangas. Kanhi Gov. Antonio Leviste Jr. mipatay sa iyang drayber nga si Rafael delas Alas. Kanhi Vice Gov. Richard Recto gitumbok nga maoy namomba sa 2006 nga mipatay og duha ka tawo ug miangol ni Gov.
Armando Sanchez. Vice-Gov. Mark Leviste ug amahan nga si Conrad nagsagubang og inbestigasyon sa DOJ kay didto mag-abang sa ilang ransohan sa Lipa ang Sinaloa Mexican Drug Cartel nga wala pa gani masulbad sa nasod ang Chinese Drug Syndicate.
(csa_1156@yahoo.com/0905-250-4643)