Mga duwa karon
3:00 p.m. – Alaska batok Barako Bull
5:15 p.m. – Talk ‘N Text batok Ginebra
Team Standing W L
Talk ‘N Text 6 2
San Mig Coffee 5 3
Ginebra 5 3
Air 21 5 3
Rain or Shine 5 3
San Miguel Beer 4 4
Alaska 4 4
Barako Bull 3 5
Meralco 2 6
Globalport 1 7
MOPADAYON ang inilugay sa twice-to-beat advantage sa panagharong sa solo leader Talk N’ Text Tropang Texters ug Brgy. Ginebra Gin Kings sa main game karong hapon sa 39th Philippine Basketball Association (PBA) Governor’s Cup elimination round sa Araneta Coliseum.
Ang Tropang Texters kasamtangang nag-una dala ang 6-2 nga rekord samtang ang Gin Kings naggunit og 5-3 nga baraha.
Ning puntoha, nakompleto na ang walo ka teams nga sulod sa quarter-finals human gipakaging sa Alaska Aces ang Ginebra, 79-66, sa miaging gabii.
Ang duha nga nanamilit sa torneyo mao ang Meralco Bolts (2-6) ug Global Port Batang Pier (1-7).
Sa pagkakaron, nakatutok ang atensyon sa teams nga naa sa ibabaw nga bahin diin gikauban sa Tropang Texters ug Gin Kings ang San Mig Coffee Mixers, Air 21 Express ug Rain or Shine Elastom Painters.
Sama sa Gin Kings, ang Elasto Painters ug Express naggunit sab og 5-3 nga baraha.
Hinuon ning pagsuwat, ang Express padayon pang nakigsangka sa San Miguel Beermen kagabii.
Ning higayuna, wala pa’y nakaseguro kon kinsa ang makakuha og twice-to-beat.
Ang mopatigbabaw nga upat human sa elimination round mao ang makagunit og twice-to-beat nga bintaha sa quarter-finals.
Ang Beermen ug Alaska nga parehong adunay 4-4 nga rekord puwede pang makailog og twice-to-beat nga bintaha apan nagdepende kini sa resulta sa nahabiling mga duwa. (Frank Calapre)