ANG Sun.Star Safari Team moarangkada karon paingon sa Mati City aron manghatag og pahalipay sa katawhan atol sa Cityhood and Pujada Bay Festival 2014.
Ang team magdala og mga pahalipay sa mga suki nga tigbasa didto karong adlawa.
Wala nay dalhon nga masthead sa Superbalita ang atong mga suki tungod
kay buot sa Sun.Star Publishing, Inc.
nga malipay ang tanan.
Busa, alang sa mga suki sa Superbalita nga taga-Mati City, atangi lang ninyo ang among team karon adlawa.
Ang team mosalmot sa bongga nga festival diin masaksihan ang Environmental Conservation Mural Painting sa City Hall Freedom Hall.
Makita sab dinhi ang Agri-Tourism Trade Fair sa Baywalk Park, Fantasea Mardi Gras Parade sa nag-unang kadalanan, ug Search for the Queen of the Sea sa ilang nindot nga Baywalk Park.
Ang Sun.Star Safari kabahin sa mga aktibidad sa paghatag og kalipay sa mga suki atol sa ika-15 nga anibersaryo sa Superbalita. (Alger P. Dura)