GIINGONG dunay dakong problema ang pulis nga nanulis ug nang-hostage sa Makulay Restaurant diin siya napatay sa kapulisan, Huwebes sa gabii, didto sa Pioneer Avenue, National Highway, siyudad sa Tagum.

Kini ang gisulti ni Police Chief Inspector Hamlet Lerios, officer-in-charge sa San Pedro Police Station, human niini nahinabi ang asawa sa pulis nga si Senior Police Officer 4 (SPO4) Ricky Juanir.

Sumala ni Lerios nga dunay dakong problema si Juanir nga di niya buot isulti bisan sa asawa niini, duha ka adlaw una niini nahukman nga moadto

sa Mati City aron magpahuway.

"Sabi ng asawa, may malaking problema itong si Juanir at hindi lang daw niya masabi, kaya sinabi niyang mas mabuti na magpunta muna daw siya sa Mati," sulti ni Lerios sa pakighinabi sa Superbalita kagahapon.

Dugang sa opisyal nga bisan siya nakamatikod sa lihok ni Juanir, Hunyo 5, 2014 dihang gi-file niini ang iyang leave of absence.

Niadtong adlawa, nagpasalamat si Juanir kang Lerios tungod sa maayong pagdumala sa presinto dos isip OIC.

"Sabi niya, 'Sir, ang bait mo talaga, wala akong masabi, kahit nuon pa ang pagsasama natin, lalo na ngayon na OIC kana namin'," ingon ni Lerios.

Gitin-aw sab sa opisyal nga walay gibilin nga suicide note si Juanir subay sa naunang nabalita nga duna kini suicide note.

"Walang suicide note na iniwan si Juanir," pahayag sa opisyal.

"Ang sinabi lang niya sa akin ay ang kabaitan ko. Sinabi rin niya ang kabaitan ni CD. Kaya sabi ko na iba na ito, parang namamaalam na," dugang niya.

Sa pagkakaron, ang patay nga lawas ni Juanir anaa gihaya sa ilang panimalay sa San Lorenzo, Puan, ning siyudad. (Jeepy P. Compio)