Mga armas, drugas nakuha

GIDUDAHANG bigtime drug pusher nadakpan, lakip ang ilyang mga sakop, sa gipahigayong buy bust operation niadtong Sabado sa alas 12: 10 sa udto sa Barangay Catarman,Lilo-an, Sugbo.

Gipusasan sila si Amerphil Jayme, 35; Christian Ceniza, 28; Edgardo Cetas, 38; Donel Navales , 33; Joselito Yutrago, 37; ug Fernando Aton  35, human sila nakuhaag us aka dakong putos sa shabu, duha ka medium nga putos ug 37 ka pakite nga mobalor sa

P200,000.

Lakip sa nakuha ang usa ka shot gun, KG-9 sub-machine pistol, 2 ka Ingram, 2 ka kalibre .45 nga pistola, 9mm pistol ug .38 caliber revolver.

Ang grupo nila ni Jayme ug Ceniza nasubay nila ni Sr. Insp. Leo Logroño, deputy chief sa Provincial Intelligence Branch (PIB) ug Provincial Anti-Illegal Drugs Special Operations Tsk Group (PAIDSOTG) human sa usa ka buwan nga pagpaniid.

Si Sr. Supt. Noel Gillamac, director sa Cebu Provincial Police Office (CPPO) nagkanayon nga ang iyang mga operatiba nakakuhag ledger nga dunay mga alyas sa tawo nga gika-transaction sa maong mga drug pusher.

Usa ka ginganlag Ting nagpakita base sa listahan nga mi-remit sa kantidad nga P680,000.

“Makita nato nga ang drug problem dako na gyud ni kaayo,” matod ni Gillamac.

Gipadayag niya nga tan-awon nila unya sa ledger kon wala bay mga police, local nga opisyal nga nalakip niini.

Ang grupo nila ni Logroño, pinaagi sa iyang sakop, maoy nagsilbing poseur buyer mipalit kang Jayme og usa ka me­dium nga putos nga mobalor sa P5,000.

Related Stories

No stories found.
SunStar Publishing Inc.
www.sunstar.com.ph