GIDARO sa PUJ ang lima ka mga bata nga mopaingon na unta sa tunghaan samtang sila nagbarog daplin sa dalan ingon man ang usa ka ginang ug lalaki nga nakaparada sa motorsiklo sa eskina V. Rama Avenue ug M. Velez, dakbayan sa Sugbo pasado alas 11 kagahapon sa udto.
Ang mga bata nga nangaangol mao sila si Immanuel Luciano, 11; Jasper Ian Gelimer, 10; Andrea Limpot, 11; Diane Hijara, 13; ug si Lyka Marie Econas, 11, pulos taga Banawa, Guadalupe.
Lakip sa nangaangol mao si Lareta Cabanero, 38, taga Carcar City ug si Bonifacio Papellero, sakay sa motorsiklo nga may plate number 4140-GA.
Matod sa driver sa PUJ nga si Jose Maghanoy, taga MJ Cuenco, biyahe og Guadalupe- Carbon nga gikan siya sa down town area paingon sa Guadalupe.
Sa iyang pag-abot duol sa eskina, stop signal mao nga nitamak siya sa brake, apan kalit nga niliko paingon sa daplin sad an ang PUJ.
Ang mga bata nga anaa magbarog sa sidewalk daplin sa dalan gahuwat og PUJ nangaigo.
“Kita ko, Sir, nangalagpot ang mga bata nga naglinya. Naigo pa niya ang nagmotorsiklo ug ang laing babaye nga nagbarog sa daplin,” matod sa usa ka dispatser sa mga PUJ.