P1.3M na ganti makatudlo sa nagpatay kang King

GIPAGUWA na sa otoridad ang artist sketch sa gitudlong maoy mipusil patay sa bilyonaryong negusyante nga si Richard Lim King, 56.

Kahinumdoman nga si King gipatay atubangan sa usa ka tigum sa mga health supplement distributors sa Barrio Obrero, Hunyo 12 ning tuig.

Sa Facebook page nga Isumbongkay Cddcpo, gi-post ang hulagway sa usa ka lalaking gitudlong suspek.

Giawhag sab ang publiko nga kinsa mang nakakita sa maong tawo, mo-report lamang sa otoridad.

Ang otoridad naghatag sa mga numerong 0925-823-3276; 0912-664-8951, o motawag sa 224-1313 ug 300-1244.

Luyo niini gidugangan na usab ngadto sa P1.3 milyon ang ganti sa bisan kinsa nga makatudlo sa gihimutangan sa suspek.

Nauna nang mitanyag ang pamilya ni King og P200,000, apan giusbawan kini ni Davao City Mayor Rodrigo Duterte ngadto sa P500,000.

Ang biktima dunay negusyo dinhi sa siyudad, lakip na sa Cebu ug Palawan nga usa sab sa ginasubay karon sa mga imbestigador.

Malaumon ang kapulisan nga sa mas gipausbawan nga reward money ug artists sketch nga gipaguwa nila, mas dali na lamang ang pagtultol sa tawong mipatay sa negusiyante. (Rhona G. Villariasa)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph