NIINI pa lang ka sayo, gikonsiderar nang daan ang San Antonio Spurs nga labing inilog ug gituohang makalangkat og back-to-back titles sa sunod season sa National Basketball Association (NBA).

Gumikan kay gituohang wala’y mawagtang sa ilang puwersa lakip na sila si coach Gregg Popovich ug forward Tim Duncan, kinsa dugay-dugay na gyung nag-uban.

Human gipanglampornas sa Spurs ang Miami Heat sa bag-uhay lang nahuman nga 2013-14 Finals series, 4-1, ningpadayag sila si Popovich ug Duncan nga wala sila’y planong moretiro.

“I’d like to continue to coach,” asoy sa 65 anyos nga si Popovich.

“As long as I feel I can be effective, I’ll continue to play,” maod sab sa 38 anyos nga si Duncan.

Sila si Popovich ug Duncan mao lang ang mga sakop sa Spurs nga naa sa lima ka mga korona nga naangkon sa team.

Ang kauban ni Duncan sa Big Three nga sila si Manu Ginobili, 37, ug Tony Parker, 32, wala sa’y planong moretiro.

Edaran na man tuod ang Big Three sa Spurs apan mga batan-on ang nagsuporta niini pina­ngulohan ni Kawhi Leonard, kinsa maoy napiling sa Finals MVP. (AFP/ESL)