Editoryal: Kaso sa edukasyon

DINHI lang sa Sugbo nahitabo ang grabeng kaso mga institusyon sa edukasyon. Una ug talagsaong sa natad sa edukasyon busa landmark nga kaso ug kon unsay pinal unya nga hukom sa Korte Suprema, nahimong basihanan sa mga mosunod nga kaso.

Una, ang pagtumaw sa duha ka mga tunghaan nga nagdala sa ngalan nga Mandaue City College (MCC) samtang, ang kaso nag-ung-ong sa ubos nga hukmanan sulod na sa pipila ka tuig ug duna pay Taas nga Hukmanan nga mohatag og pinal nga hukom sa kaso.

Dili pa lang dugay, mitumaw ang kagubot sa Talisay City College (TCC) tungod sa pagtumaw sa duha ka mga presidente sa tunghaan. Apan nasulbad na kini sa pagkakaron human nihimo og “win-win solution” ang pulitikanhong liderato sa Talisay.

Ang duha ka mga kaso sa edukasyon naglambi­git sa publikong institusyon apan luyo sa kasayoran sa kadaghanan, dunay karaang pribadong unibersidad nga nakasugat og problema hinungdan sa pagkasiak sa usa sa iyang kolehiyo.

Ang Matias H. Aznar Memorial (MHAM) College of Medicine sa Southwestern University (SWU) nibuwag ug naghimo og temporaryong campus sa uptown sa dakbayan sa Sugbo.

Samtang, ang SWU nagpabilin nga nidawat usab og mga tinun-an sa medisina. Nimugna kini og kalibog sa mga tinun-an labi na sa high year na.

Daghang kuwestiyong legal nga nag-ung-ong sa korte sama sa kinsa ang magtuod nga nagkupot sa permiso sa pag-abli og kurso sa medisina? Lain kining hagit sa Commission on Higher Education (Ched) 7 sa pag-atiman sa mga tinun-an nga dili maapiki.

Maayong masulbad kini sa labing daling panahon.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph