DEAR Papa Joe,
Angay ba ko nga manimawos sa akong bana sama sa pagpasakit niya? Ako si Helen, 32, may usa ka anak. Wala ko masayod nga ingon ani diay og batasan akong bana human sa pipila ka tuig mi nagminyo, nausab gyud siya. Hinuon wala man siya magkuwang namo nga iyang pamilya, pero sa makadaghang higayon nasakpan nako siya nga naay laing babaye.
Palakero kaayong tawhana ug matag badlong nako niya kay mura lang og wala niya ug matod pa niya nga naunsa daw ko? Nga natural ra man gyud na sa lalaki nga mang chicks
total wa may mawala daw namo ug di mahitabo nga makapamdos siya ug lain kay lingaw
lingaw ra kuno ang iya kay ako man gyud ang iyang mahal kay ako ang iyang gipakaslan.
Pero taudtaud nani nga akong giantos ug feel nako nga bawsan siya sa samang paagi pagpasakit niya nako kay sukad iya ning gibuhat, dako na kayo siyag kausaban. Dili na gani mamarayeg nako. Total siya may nag una-una. Palihug tambagi ko.
HELEN
Helen,
Dili sa ingon nga nag-una-una siya, imong bawsan sa samang paagi. Naa may saktong proseso niana. Kon gusto ka makat-on og leksyon, kon masakpan nimo siya nga dunay ebidensya, kasuhan nimo. Dili pa maapil imong kalag sa kadaut sa iyang binuhatan.
Tinuod insulto pero angay sab lantawon nimo ang imong side kon dili ba ka madaut sad o di ba ikaw pa ang mabulyaso if mobawos ka. Babaye ra ba ka. What if mamabdos ka, di piti. Klaro ang ebidensya.
Kon di madala og badlong, patagma. Kanang iyang style wa na magpamatuod nga nahigugma siya nimo bunga ra sab ka sa iyang pamabaye nga siguro nga kompromiso. Well, di man ta ka judge. Basin may mga pagkuwang sab ka nga siya ray nahibawo. Mao nga sutaa sab ug ayaw kalimot og ampo sa Ginoo. Daghang salamat.
PAPA JOE
(Sa inyong tampo ipadala lang sa papajoelon@hotmail.ph)