GIKATAKDANG mopahigayon ang kagamahanang local sa Misamis Oriental ug usa ka province-wide ug job fairs karong umaabot Hunyo 25 paingon sa 26 ning tuig.

Gibutyag ni Gobernador Yevgeny Vincente B. Emano nga tinguha sa maong job fair mao ang makakuha og panarbaho ang mga residente sa probinsya ug kasikbit nga dapit ug aron usab magiyahan sa ilang gipiling karera.

Dugang niini nga dili lamang kini ordinaryong job fair apan mohatang og orientation alang sa career guidance ug skills demonstration ngadto sa mga tinun-an aron epektibong mahatag sa mga job seekers kung ang ilang mga nakat-onan motakdo ba sa available nga trabaho nga gitanyag.

Ang career guidance mao ang pagiya sa mga senior high school students sa mga kursong ilang buot kuhaon sa kolehiyo samtang ang career clinics magpakita og nagklain laing kurso ug programa sa tunghaan diin ipakita ang ilang mga abilidad aron makatabang sa ilang pagpanarbaho sa umaabot.

Ang Provincial Public Employment Services Office (PESO) makigpartner sa human resource management aron masiguro nga ang mga tinun-an maaghat gyod sa pagpanarbaho sa umaabot.

Gibutyag ni Jonafe Rodas, kinsa PESO Officer nga ilang giimbitahan ang mga tunghaan sama sa SMI, Pilgrim Christian College, Tagoloan Community College, The New El Salvador College, Opol Technical Schoolug uban pa nga tunghaan alang sa career guidance and clinics.

Alang usab sa job fair giimbitahan niini ang Del Monte, Optimo, LCG, SM, AlaDynasty Court Hotel, Prycegas, Graphics, Mandaue Foam, RTMI, Hyundai, Minergy Inc. ug uban pang kompanya. (SVB)