HUMAN sa ilang pagpanamilit sa Philippine Basketball Association (PBA) Governor’s Cup, kinahanglang hinuktokan sa San Miguel Beermen ang tanan kabahin sa ilang puwersa.
Nagkanayon si Beermen consultant Todd Purves nga ilang estudyohan og maayo ang ilang mga gipangbuhat karong tuiga aron masuta kon unsa’y sayop nga ilang nahimo.
“It’s disappointing when it ends this way,” matod ni Purves sa interbyu sa www.spin.ph human gipalagpot sa San Mig Coffee Mixers ang Beermen, 90-97, sa miaging gabii sa quarter-finals sa Governors Cup.
Kon buot hunahunaon, lig-on ang puwersa sa Beermen nga gipangulohan nila ni Junemar Fajardo ug Arwind Santos apan wala gihapon kini magsilbe.