NAASAL ang duha ka binuhing baboy sa dihang ang ad sa maong hayop na-ugdaw sa nahitabong sunog sa barangay Bankal, dakbayan sa Lapu-Lapu kagahapon sa udto.
Nahawan ang usa ka bahin sa sityo Casia, barangay Bankal sa dihang gikaon sa kayo ug na-ugdaw ang usa ka junkshop ug unom ka balay.
Sigun pa ni F02 Atillano Berido, sa Lapu-Lapu City Fire Department nga ang kayo nagsugod sa junk shop nga gipanag-iya ni Malasaga Ycong sa dihang kalit nga adunay misiga diin nahimutang ang mga foam nga gipatong-patong.
Itom nga aso ang gibuga sa dihang ang gitambak nga mga ginamit nga ligid, ang nangasunog usab hangtod nga mikatap ang kayo sa tapad nga kabalayan.
Nasayran nga alas 12:10 sa hapon nadawat sa kabomberohan ang alarma nga gi-isa sa third alarm ug nakontrolar ang kayo sulod sa singko minutos.
Gibana-bana nga adunay dili molabaw 10 ka pamilya ang nawad-an sa ilang pinuy-anan
human sa maong hitabo.
Atol niining pagsuwat padayon pa nga gitino sa Fire department ang hinungdan sa pag-ulbo sa sunog ingon man ang danyos niini.