NAGTINGUHA ang konseho sa dakbayan sa Sugbo nga ipaubos sa random drug test ang mga tinun-an sa mga public high school sa siyudad.

Si Konsehal Noel Wen­ceslao, chairman sa committee on education, maoy nipalabang og resolution kagahapon alang sa pormal nga pag-awhag sa City Office for Substance Abuse Prevention sa paglusad sa drug test gumikan sa iyang mga report nga nadawat.

“Daghan na kong na­dawat nga reports about ana, especially among our night high school students. But we cannot verify and confirm that yet. So we can verify it, we should conduct random drug testing,” pasabot ni Wenceslao.

Apan si Mayor Michael Rama, bisan wa moklaro kon uyon o supak sa resolution, nipahimangno nga adunay sensitibo nga katungod ang mga menor de edad subay sa balaod.

Ang mayor wala nisalik­way sa posibilidad nga a­du­nay mga high school student nga nigamit og drugas.

Apan alang kaniya ang paggukod ug pagsumpo sa pagkuyanap sa drugas maoy mahinungdanon.

“Di man na mahimo sige lang ta og testing-testing unya paghuman drugs gihapon.

Aksyon,” matod ni Rama.

Duna siyay mando sa Cebu City Police Office sa pagdakop sa mga drug lord ug pagpangita sa mga dapit nga posibleng giga­mit nga shabu laboratory.

“Mao na akong gisulti sa akong mga pulis. Give me results… We need people to help us so that when we are serious running after the source, then that will be denial,” dugang ni Rama.