Manny Rabacal

Pakabana

SUMALA sa mga balita nga pipila na ka mga drug pusher ug druglord ang hidak­pan sa mga sakop sa National Bureau of Investigation (NBI), Philippine Drug Enforcement Administration (PDEA) ug kapolisan.

Ambut og nganong karon pa kini sila masikop. Sayud na ang mga tinugyanan sa balaud kon

si kinsa kini sila. Aduna man gani silay order of battle niining maong mga drug personalities.

Nagsugod kini sa dihang gipatay ang gituhoang druglord nga si Owen Rosales. Human niadto nagsunodsunod dayon ang dakop sa mga tigpayuhot og ginadiling drugas nga nagbalor og minilyon ka pisos.

Ang gipaabut sa katawhan mao ang listahan sa mga pulis ug ubang mga tawo nga nagprotiher kang Rosales.

Sa wala pa ang barangay election, nakahinabi ko ang nagpailang kanhi sakop sa vigilantes group dinhi sa Cebu City. Iyang gipahibawo kanako nga adunay pipila ka mga dagkong opisyal sa kapolisan nga nagdawat og payola kun protection money gikan sa mga inilang druglord dinhi sa Sugbo. Magkantidad og gikan sa P500 mil ngadto sa minilyon matag buwan ang madawat sa usa ka opisyal.

Hinaut pang nag-usab na ang maong mga opisyal sa ilang yawan-ong binuhatan nga maoy nakapagrabe sa krimen sa atong dapit.

Bugas

Gisugyot sa Malacañang nga mag-antus lang usa kita niining pagsaka sa presyo sa bugas kay masulbad ra kuno kini sa dili madugay.

Wala ba diay masayud ang Palasyo nga dugay nang naglisud pagpalit og bugas ang

katawhan bisan sa dihang wala pa moumento ang presyo.

Dili ba gipahibawo man ni Pres. Aquino atul sa iyang state of the nation address (SONA) nga duna na kitay igong ani sa palay og dili na kita moangkat og bugas sa gawas sa nasud? Hain na man kana?

Bisan sa sige og smuggling sa bugas gikan sa Vietnam ug sa ubang mga dapit nganong mahal man gihapon ang presyo niini?

Nagduda ako nga adunay mga negos­yanteng nagmaniobra sa presyo niining maong kalan-on hinungdan nga mahal ang presyo niini sa gasolina.

Dili masabtan sa ordinaryong mga tawo kining pagsaka-kanaug sa presyo sa lana kun gasolina.

Samtang nangugat ang mga gas dealer nga walay cartel kon wala magsabot ang ilang grupo pilay ilang ipresyo sa ilang mga produkto nganong parehas man lagi kini kon moumento o mopaubos sa ilang Mas maayo pa kadtong gimugna ni anhing Pres. Marcos nga Oil Price Stabilization Fund (OPSF) kay malansang gayud niini ang oil price bisan kon motaas o moubos ang presyo niini sa langyaw nga merkado.

Feedback

Nangutana ang pipila sa tigbasa ning atong kolum kon mahinayon ba gayud ang paghimo sa Cordova reclamation ug ang pagtukod sa taytayan gikan sa Cordova sumpay sa Getafe, Bohol.

Ako silang giingnan nga mao kana ang gipasalig ni Malayan Integrated Industies Corp. (MIIC) chairman & chief executive officer Pablo Villaber ug wala akoy katarungan nga dili motuo kaniya.

(msr1144@yahoo.com)