ANDAM na ang tanan alang sa T'nalak Roadbike Challenge sa Hulyo 12 didto sa South Cotabato isip kabahin sa 15th Tinalak Festival sa probinsiya sa South Cotabato.

Ang 165 kilometro nga lumba sa bisikleta tigian sa elite kategorya nga dunay premyong P8,000, P6,500 ug P5,000 alang sa unang tulo ug makadawat sab og tropeyo.

Ang pagparehistro nagkantidad og P500 nga malakip ang paniudto, jersey, ug race bib.

Samtang ang T'nalak Mountainbike Challenge himuon sa Hulyo 13.

Ang tanang partisipate puwedeng moparehistro sa maong adlaw sa kompetisyon.

Ang gustong moapil sa MTB race, magpalista sa balor nga P300 lakip na ang paniudto, race bib, ug libreng pass sa pito ka falls o P550 lakip ang paniudto, race bib, ug libreng pass sa 7 falls ug zip line.

Ang panagtapok himuon alas 6 sa buntag hangtud alas 7 sa buntag didto sa Alunan Avenue, fronting South Cotabato Provincial Capitol diin ang lumba mahuman sa Lake Cebu.

Duna sab ihatag nga espesyal award ngadto sa largest registered participants sa organization, oldest finisher, youngest finisher, heaviest bike finisher, lightest bike finisher samtang tanang makahuman sa lumba kay makadawat og certificates of appreciation.

Alang sa mga interesado, bisataha ang Integrated Provincial Health Office, Koronadal City or Epikon Bikeshop, Koronadal City. (Marizz S. Robilla)