NAKALANGKAT na sab og duha ka mga titulo si Rhowell “Bornok” Mangusong fourth leg sa 2014 MS Motosuit Motocross Series nga giulohan og “1st Dinagat Islands Motocross Challenge” ning bag-uhay lang sa Surigao.

Ang lumad nga taga Davao City kaduha milupig sa Sugbuanong si Jonjon Adlawan aron angkunon ang korona sa expert ug pro open divisions.

Si Ambo Yapparcon maoy milangkat sa ikatulong dapit sa expert category samtang si Jubenille Abella sa pro open class.

Ang beteranong si Pepo Rubi maoy misakmit sa titulo sa executive A samtang nagsunod

kaniya sila si 2nd placer Rolando Gella ug 3rd placer Danden Catipay.

Hinuon sa executive B, si Rubi igo lang miangkon sa ikaduhang luna sunod kang Atoy Belican. Ang kampiyon sa execuitve C mao si Gella.

Nipatigbabaw sa open enduro mao si Jed Luna ug nagsunod kaniya sila si 2nd placer Bentot Domo ug 3rd placer Alex Abalo.

Si Doydoy Bandigan maoy naghari sanovice open production unya nagsunod kaniya sila si Scott Remi ug Luna.

Nakabawi si Remi dihang naangkon niya ang titulo sa intermediate division.

Si BJ Pepito maoy midaog sa mini class 85cc diin iyang gilupig sila si 2nd placer

Dodong Bandigan ug 3rd placer Philip Leonardo.

Ang top 3 winners sa mini class 65cc mao sila si champion Nino Mañacap, Lloyd Abrenica,ug Kakay de la Piedra.

Sa special underbone race, ang nidaog mao si Kirboy Jon Alon. Ang usa adlaw nga kompetisyon giorganisar ni Benjie Ecleo katambayayong ang Dinagat local government ug MS Motosuit nga gipanag-iya ni Cebu motocross patron Lou Ornopia.

Sa laing bahin, isalida sa CCTN 47 matag Sabado sa alas 10:00 sa buntag ang usa ka motocross show.

Aduna kini replay matag Dominggo sa alas 10:30 sa gabii.