Texters mobawos sa Coffee Mixers

Duwa karon:

(Araneta Coliseum) 5:00 p.m. - San Mig Coffee vs. Talk ‘N Text

(Semis: Game Two)

LAING kulbahinam nga kombati ang mapaabot karong gabii sa dihang suwayan sa Talk ‘N Text pagbawos ang San Mig Coffee sa Game 2 sa best-of-five semifinals series sa 39th PBA Governor’s Cup sa Araneta Coliseum.

Sa Game One niadtong Huwebes, ang Coffee Mixers ni coach Tim Cone mipildi sa Tropang Texters ni coach Norman Black sa duwa nga niagi pa og overtime, 92-88, alang sa 1-0 nga bintaha sa serya.

Bisan pa man o gang ilang mga top gunners nga sila si June Simon, James Yap ug Joe Devance adunay mga gihambin nga angol, si Cone malaumon gihapon nga mainat nila ngadto sa 2-0 ang series sanglit alang kaniya dili katarungan ang pagkaangol sa tulo.

Iyang gipasabot nga kon unsa ang ilang napakita nga duwa sa Game One ma­o usab kini ang ilang ibuga sa Game ka­­rong gabii nga sugdan sa alas 5 sa hapon.

Ang modaog ning maong series maoy mosangka sa modaog usab sa laing semifinals match tali sa Alaska Aces ug Rain or Shine Elasto Painters. Ning pagsuwat padayon pang nagduwa ang Aces ug Painters sa ilang Game One.

“I’ve always told our players, injuries are no excuse.  It’s part of the game and you have to play tough despite of it. Other teams have injuries as well and you just have to continue to battle. I don’t know how bad James (Yap) injury is. It could be anything scary,” matod ni Cone.

“We lost PJ, then James hurt his foot. Joe (Devance) too. The guys we have right now are battling and grinding,” dugang ni Cone, kinsa nanglantaw sa unang Grandslam sa Coffee Mixers ug ika 17 nga titulo isip coach.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph