LIMA ka mga lalaki ang sapon sa buy-bust operation nga gihimo sa mga operatiba sa Philipphine Drug Enforcement Agency-Northern Mindanao (PDEA-10) niadtong huwebes sa hapon sa Vamenta Subdivision, Barra, lungsod sa Opol, Misamis Oriental.

Maoy gipuntirya sa buybust ang suspetsado nga usa sa watchlist nga si Deo Bermejo.

Apil sa nasikop ang laing upat ka mga lalaki nga giingong anaa sulod sa drugden nga gipanag-iyahan ni Bermejo nga mao sila si Dante Cailing; Albert Seporbida; Randy Mabaylan ug James Monfort, giingong mga drug den visitor.

Si Rayford Yap kinsa Asst. Regional Director sa PDEA-10 niingon nga si Bermejo taod taod na nilang gipamatikdan labina nga niaging katuigan ila kining nasikop na sa operasyon apan daw gibutyag sa korte nga hinay ang ilang nakuha nga ebidensya hinugdan nga nakagawas kini sa prisuhan ug nakapiyansa pa.

Ang mga suspetsado nagtingkagol na sa prsiuhan niing panahona kinsa gikatakdang mag-atubang og kasong supak sa RA 9165 kon Dangerous Drugs Act. (SVB)