NAALARMA ang kapulisan sa tawag sa usa ka residente sa Barangay Tulay, Mingllanilla, Sugbo bahin sa usa ka lawas sa usa ka lalaki gawas sa usa ka subdivision.
Samtang, usa usab ka lawas ang nakit-an sulod sa sa usa ka depektibong barangay multicab sa Mambaling, Cebu City.
Ang wa mailhing lawas sa usa ka lalaki nag-anam na og pagkadugta dihang nakit-an sa batang si Welnar Geonzon samtang nangita og kahoy pang-sugnod.
Matod sa imbestigasyon sa kapulisan, sa wa pa kini namatay, nakit-an pa kini nila ni Joy ug Maricel Calderon mao nga ilang gihatagan og pagkaon ug sinina.
Gituohan usab nga namatay tungod sa sakit ang biktima ug wa lang nakatikdan namatikdan.
Ang lalake giingong adunay sakit sa pangisip ug nagpangidaron og 40 anyos.
Samtang, nakit-an ang lawas sa usa ka Erwin Laborte Tabelon, lumulupyo sa Sitio Camansi, Barangay Mambaling sulod sa usa ka depektibong multicab.
Giingong sa mga niaging adlaw, kanunay siya makit-an nga maghigda ug magpahuway sa sakyanan.
Nadiskubrehan nga patay na siya sa usa ka “Gogoy” nga giilang reflexologist sa lugar.
Matod pa sa igsuon niini nga si Perlito Tabelon nga adunay sakit sa atay ug diabetes si Erwin ug bag-o lang gidala sa hospital.
Gituohang natural death ang rason sa pagkamatay sa biktima kay way nakitang samad sa lawas nga magpakitang dunay foul play. (Nickie Ronqullo - USJ-R Masscom Intern)