Drugas, mga bakus nasakmit gikan sa prisohan sa Liloan

MGA kontrabando ug drugas nasakmit sa kapulisan sulod mismo sa selda sa Lilo-an Police Station niadtong Huwebes sa alas 4:40 sa hapon atol sa gipahigayong operation greyhound.

Si Insp. Precelo Roble, deputy police chief sa Lilo-an Police, niingon nga nakadawat silag impormasyon pinaagi sa text messages nga dunay high profile nga mga piniriso sa pagpayuhot og ginadiling drugas ang mo-eskapo.

Tungod sa impormasyon, wa sila maglangay, nipahigayon gilayon sila sa operation greyhound, gi-inspeksyon ang selda nga gisudlan sa 26 ka mga inmate.

Nakuha nila ilawom sa higdaanan ang usa ka medium packs nga putos nga gituohang shabu, unom ka nagkadaiyang bakos, mga cellphone ug uban pa.

Matod niya gidili kini sa sulod sa mga detention cell hinungdan nga mopahigayon silag makuting imbestigasyon kabahin niini aron pagsuta kon nganong nakasulod.

Ilakip nila sa imbestigasyon ang mga designated nga jailer, o ubang personnel.

Wa nila isalikway ang posibilidad nga ang mga kabanay sa mga piniriso maoy nagdala niini sanglit daghang mobisita matag adlaw nga magdalag pagkaon ingon man kutsara.

Sagad sa mga pinireso pulos gyud nangambot sa mga kuntrabando nga nakuha nila sa sulod sa selda.

Gibutyag niya nga toa na sa Cebu Provincial Detention and Rehabilitation Center (CPDRC) niadtong Huwebes ang unom ka mga nailang bigtime pusher nga nalakip sa ilang detention cell.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph