ANG mga Pinoy hilig mokaon, mao nga bisan asa ka molingi, makita nimo ang nagkadaiyang kan-anan.

Apan luyo sa maong kinaham, anaa gihapon ang tumong nga makakaon sa pagkaon nga lamian, apan perfect sab sa budget.

Dinhi nabuhi ang konsepto sa Beestop, nga nahimugso didto sa General Santos City, tuig 2007.

Suma pa, ang Beestop gikonsidera sa mga nagpaluyo niini nga 'karenderyang sosyal.'

Hunyo 16, ning tuig, gihimo ang Midyear Treat sa Beestop, isip pasalamat ug pagpaila-ila sa dugang promos nila.

"We aim to provide a budget friendly food na di masakit sa bulsa. Target namin ang masa and we are just so lucky sa location namin dito sa Davao," ni Cha Loroza-Enriquez, nanag-iya sa Beestop.

"Dito sa amin we prioritize na maging komportable yung consumers namin. That is why we give a spacious ang comfty area na wifi ready na rin and of course well-trained din yung service crews namin."

Sa kasamtangan ang Beestop duna nay upat ka branches sa nasud, ang Beestop Laurel Gensan, Beestop Calumpang sa Gensan, Beestop Batangas ug ang Beestop diha sa Sta. Ana Avenue ning siyudad.

Sunod bulan sab buksan na nila ang laing branch sa Baguio City.

Luyo niini, anaa sa plano sa General Santos City based-company nga magmuntar og dugang lima pa ka Beestop Express branches dinhi sa siyudad karon nga tuig.

"Our Beestop Express will cater the people on the go, we want na saan magpunta yung tao merong Beestop pero siyempre, kailangan din unahin ang location. Kasi kahit may pera ka to invest, still wala yan kung di okay yung location mo," dugang ni Enriquez.

Ang Beestop inila sa ilang Garlic Fried Chicken apan di lamang diha kutob, tungod they also serve ubang Pinoy dish sama sa chicken inasal, fried chicken, kiniliaw, sinuglaw, pork liempo, tuna belly ug uban pa.

Buy 1 Take 1

Sa pikas bahin, matag Miyerkules, ma-experience sa consumers ang Buy 1 Take 1 na, Unlimited Rice pa sa ilang Bee's Garlic Chicken.

Ang promo gisugdan niadtong Hunyo 18, ug open kini sa tanang Beestop branches.

Sa presyong P99, matilawan nimo ang lamiang Garlic Chicken nga tatak Beestop.

Ang Beestop dinhi sa siyudad anaa sa Sta. Ana Avenue Corner Guerero St.

Sa deliveries makontak sila sa 305-6787 ug 0943-709-9359.

Pasalig sab ni Enriquez nga padayon silang magmugna sa budget-friendly nga pagkaon alang sa merkado.