NAALAAN nga bomba ang fetus nga napalgan sulod sa usa ka gamay nga kahon gibilin sa buhatan sa Department of Labor and Employment (DOLE).
Nadiskubrehan ang maong kahon pasado alas 10:00 sa buntag sa eskina Gen. Maxilom Avenue ug Gorordo, siyudad sa Sugbo.
Ang fetus usa ka batang babaye, gibanabana nga pito ka buwan.
Si PO1 Reuful Adalim sa Homicide Section nagkanayon nga usa ka mamaligyaay og tubig ang unang nakadiskubre sa fetus.
Ang karton gibutang sa hagdanan sa Department of Labor and Employment ug gipaibabwan og duha ka mantaalan.
Sa unang pagkakita sa batan-on, siya nagduda nga bomba. Iyang gipangita ang security guard aron matawag ang kapolisan, apan way nakitang gwardya.
“Nakadisidir na lang siya nga iyang duolon ang karton ug sa iyang paglili sa sulod, nakita ang maong fetus,” matod ni Adalim.
Natawagan dayon ang mga sakop sa Homicide Section ug daling naabut sa dapit kay duol ra gikan sa ilang buhatan. (JFT)