MIDUYOG ang kanhi pambato sa San Miguel Beermen nga si Nelson Asaytono sa mga sumosunod sa team sa pagtumbok kang active consultant John Todd Purves nga maoy hinungdan sa laing kapakyasan nga nasinati sa Beermen.

Si Asaytono, 47, hugtanong mipasangil kang Purves nganong nagkagidlay ang Beermen karong tuiga nga unta lig-on man ang ilng puwersa.

Sa ikatulong tuig nga wala sila nakabira og korona, kaduha natagak ang Beermen sa quarter-finals ug kausa sa semi-finals.

“Hindi na ako nag-eenjoy manood sa kanila ngayon, hindi kagaya nung dati,” batbat ni Asaytono sa interbyu sa www.spin.ph. “Hindi ako happy sa kanya, una may mga local na nawawalan ng pwesto, tapos pangalawa hindi naman maganda performance niya.”

Nanghinaot si Asaytono nga matangtangan og katungdanan si Purves aron dili na kini makapanghilabot sa coaching staff. Si Biboy Ravanes maoy coach sa Beermen apan si Purves maoy mo-coach inig duwa sa Beermen.

“‘Pag ang team na ‘yan na­tatalo, hindi mo pwedeng sabihing player (ang problema) dyan. Malakas ang team eh. Eh natatalo kayo, papano? Nasaan ang diperensya,” dugang ni Asaytono. (ESL)