WALO ka pambato sa Tambayan Center for Children's Rights Inc. sa Dabaw nga gilangkuban og upat ka babaye ug lalaki ang kabahin sa Team Pilipinas nga moduwa sa Street Football World sa Hulyo 1 hangtud 12 didto sa Sao Paolo, Brazil.

Ang walo ka delegado mao sila Maremadel Bancil, Bonna Vanguardia, Annlou Arrogante, Reshell Alejo, Yubert Bandibas, Reynald Arcipe, Romano Resabal Jr., ug Johnry Desoyo ang mopresenta sa nasud.

Sa pakighinabi kang Tambayan office program manager Ilyn Kemmett, miingon siya nga ang prebilihiyo gikan sa Non-Governmental Organizations (NGOs) nga mitabang sa mga bata nga giimbita alang sa maong torneyo aron tapukon ang maayong magduduwa.

"This event is not purely about the street football competition, but also it promotes participant's individual advocacies," ni Kemmett.

Mga bata residente sa Barangay 21-c, 22-c, 23-c Artiaga street, Davao City diin magpromotar nga idili ang paggamit og druga, pagpanigarilyo, mosulti og di maayong pulong ug di pag-abuso sa mga bata.

Gisuportahan ang mga pambato sa Court Aide, Red for the World Organization ug Foodie alang sa maong torneyo nga dunay 30 ka nasud ang magkontra alang sa 17-21 anyos kategorya nga gi-ogranisa sa Foodie.

Gibutyag sab ni Kemmett nga preperado na kaayo sila sa kompetisyon ug cultural presentations, "Practice sa agro, nagprepare sila na mas maging fit. Pero nag-eskwela gihapon sila. Duha ka staff ang mag-uban, isa ka kauban ug isa ka volunteer."

Sumala pa, di lang kompetisyon ang gipromotar niini lakip na ang ang abdokasiya, "This event to promote peace and environment and non-discrimination and children's participation. Different style of game. Players will set their own rules, dili lang ang goals ang scores kundi pati ang apply sa values."

Daghan sab ang matun-an sa mga magduduwa sa torneyo, "Mas plus gyud siya kung makadaug ang mga bata. Kadtong ma learn didto kay dili bayaran sa kwarta kundi ang experience nila nga natun-an maapply ug ma-share nila sa mga bata pag-uli diri sa Davao. Stepping stone ni sya sa mga bata para sa more opportunities." (Marizz S. Robilla)