USA ka sikyo nga giingong giataki sa sakit samtang nagmaniho sa motorsiklo, patay human nabunal ang ulo nga walay helmet sa dalan sa Veterans Drive, Maracas, Barangay Lahug, dakba­yan sa Sugbo kagahapon sa alas 3:00 sa hapon.

Si Ricardo Carbonilla, 58, minyo, sikyu ug taga 1061 Nivel Hills, Lahug, dead-on-arrival (DOA) sa Cebu City Medical Center (CCMC).

Samtang angol ang asawa nga si Evelyn, 60, kinsa angkas sa motorsiklo. Ang magtiayon padulong unta mosimba.

Ang asawa suwerte nga napangos lang apan ang iyang bana nagrabihan human napantok kini sa gutter sa dalan, sumala ni SPO1 Deli­gero.