Editoryal: Drug testing

DAGHAN nang naglibog niining pag-usab-usab karon sa pamaagi sa paglukat ug pagpa-renew og lisensiya.

Sa niaging tuig, Hunyo 28, 2013, ang hepe sa Land Transportation Office sa Kaulohan nga si Virginia Torres mipahibawo nga wad-on na ang mandatory drug testing sa pag-apply og driver’s license – student permit, bag-ong lisensiya o renewal.

Kini human mapalabang sa Senado ug napirmahan ni Presidente Noynoy Aquino ang Republic Act no. 10586 o Anti-Drunk and Drugged Driving Act nga nagdili sa drug testing sa mga aplikante og driver’s license.

Ang maong balaod maoy nagpapas sa Dangerous Drug Act sa 2002 nga nag-require unta sa mga aplikante sa pagsumiter og resulta sa ilang drug test sa di pa kini makakuha og lisensya.

Pero sa niaging semana, ang LTO 7 pinaagi ni Director Arnel Tancinco mipahibawo nga ila nang gibalik ang pagpahigayon og drug testing isip pre-requisite sa mga molukat og driver’s license.

Kini tungod sa temporary restraining order nga giluwatan ni Presiding Judge Hermes Montero sa Regional Trial Court Branch 59 sa Toledo City human mipasaka og civil case ang usa ka Dulcisimo Tuldanes, residente sa Toledo, niadtong Oktubre 9, sa niaging tuig.

Ang kamanduan ni Tancinco iyang gipaabot ngadto sa chief of offices, extension offices, ug licen­sing centers, driver’s license renewal sa Region 7.

Dinhi nitumaw ang pangutana. Aduna ba diay katungod ang korte sa pagmando sa publiko nga dili ipatuman ang usa ka balaodnon nga napasar na sa kongreso, senado ug labaw sa tanan napirmahan na sab sa presidente?

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph