Hi Heartline,

Ako diay si Chean, tigbasa sa imong column, aduna koy problema. Mag usa nako ka bulan wala pa niabot akong period. Gipahibalo nako akong bf na usa sundalo. Sa dihang nakabalo na siya wala na nako siya makontak, ug wala na siya magpakabana sa akoa. Unsa man ang akong buhaton? Naglibog ko unsaon na lang nako ni.

Cheane 0946***

Hi girl,

Usa siya ka talawan nga lalaki. Way baruganan, puro ra pa-pogi ang nahibaw-an.

Pa-helas epek ba, kumbaga karon nga posibleng labad sa ulo na iyang atubangon, miuk-ok na ang ikog, mitago.

In the first place baya, pwede kaayo na siya mareklamo ngadto sa taas nga opisina sa kasundaluhan, aron ma-demand gyud siya og suporta, if ever gyud nga buntis ka.

For now, di pa man ta kasulti kung buntis ka ba gyud o dili, unless mopailawom ka sa pregnancy test.

If positive, kung kaila nimo ang iyang ginikanan, katuod ka sa ilaha, adtua.

Apan kung negative ang iyang pagdawat sa nahitabo kanimo, well, pasagdi na lang na siya.

Lisud kaayo nang mamugos ka, ikaw pay naagrabyado, ikaw pay makaluluoy.

Your parents for sure will be mad at you, apan anaa na kana, dawaton ug atubangon.

I just hope negative ang resulta, kay nakatunong kag lalaki nga bayot.

Mao bitaw, ayaw dayun og surender sa flag te, i-sure sure gyud ba.

Lesson learned gyud kaayo, but in a hard way sab.

Pray. God hears you. =)

===========

Mouban na sa bf

Dear Heartline,

Just call me Cleo from Panabo. I have a bf na almost two years na kami. Mahal ko siya at mahal niya rin ako. Gusto ko na pong sumama sa kanya dahil sa problema ng family ko. Ano ang dapat kung gawin. Di ko na maintidihan eh. Please help me po.

Cleo 0946 ****

Hi Cleo,

Timan-i, dili sulbad sa problema nga kini imong daganan o likayan.

Dili sab sulbad sa problema nga mouban ka anang imong uyab karon.

Kabalo ka, sa pamilya, di na malikayan ang mga isyu, apan isip usa ka pamilya, you should work hand-in-hand sa pagsulbad niini.

Wa may problema nga sayon, tanan gyud siya sakit sa ulo.

Instead nga imoha kanang likayan, mas maayo nga makig-unong ka with your family sa pag-solve niini.

Karon, inig mouban ka anang imong uyab, sure ka na ba nga mosud sa kaminyuon? Andam ka na bang atubangon ang mga challenges sa may kaipon o may katimbang sa kinabuhi.

Karon pa gani nga problema lang na sa pamilya, mosibat kana, kana pang nag-uban na gyud mo, don't tell me inig magkaproblema na sab mo, mosibat na sab ka?

Huna-huna og maayo day Cleo, ayaw ipasulabi ang emosyon, daghan naalaot ana.