Duwa karon

8:00 p.m. - San Mig batok Talk ‘N Text

SA IKADUHANG higayon, mosuway pagsulod sa finals ang Grandslam seeking San Mig Coffee Mixers sa ilang pagpa­kig­batok og balik sa Talk N’ Text Tropang Texters karong gabii sa Game 4 sa ilang best-of-five semi­final series 39th Philippine Basketball Association (PBA) Governor’s Cup sa Araneta Coliseum.

Sa Game 3 niadtong Lunes, puwede na untang matiklop sa Coffee Mixers ang series apan gipanglampornas man hinuon sila sa Tropang Texters, 86-112.

Bisan sa maong dakong kapildihan, ang Cof­fee Mixers nag-una gi­hapon sa series, 2-1. Ningdaog sila sa Game 1 pinaagi sa overtime, 92-88, ug gisundan kini nila’g 93-85 nga kadaugan sa Game 2.

“They still have the advantage, I hope we could still put one more game to give pressure on them. My guys are doing good now, making the extra pass. Right now, I have no idea what we should do for game four. I just hope we could catch up with them,” matod ni Talk ‘N Text coach Norman Black, kinsa nakatilaw na og Grandslam title niadtong 1989 ubos sa kampo sa San Miguel Beermen.

Ang coach sa Coffee Mixers nga si Tim Cone, sama kang Black, nakatilaw na sab og Grandslam title niadtong 1996 dihang siya pa ang coach sa Alaska Aces. (Frank Calapre)