NAGLARAW karon si Melanie Griffith nga iyang ipatangtang ang tattoo diha sa iyang bukton diin nasuwat ang pangalan sa iyang bana nga si Antonio Banderas.
Gani adunay higayon nga gitabunan og make-up ang maong tattoo nga adunay hulma nga kasing-kasing ug sa sulod niini ang pangalan ni Antonio nga nahimutang sa tuo nga bukton sa aktres, samtang gikuhaan og hulagway alang sa magazine.
Ang 56 anyos nga si Griffith mipasalig nga iyang kining ipa-laser aron nga hingpit nga mapapas diha sa iyang panit, human nga miduso na siya og divorce papers batok sa Latino actor.