GILAUMANG mas daghan ang mangapil sa St. Ignatius Run karong tuiga human gilakip ang 21K sa mga kategoriya nga kombatihan.

Ang lumba, nga giorganisar sa Sacred Heart School-Ateneo de Cebu Alumni pinangulohan sa Batch ‘89, gikatakda karong Hulyo 13 ug manukad kini sa San Pedro Calungsod Templete sa SRP, Cebu.

Nagkanayon si Bernard Sia, usa sa mga nagpasiugda, nga giba­nabanang moabot ngadto sa 3,000 ka runners ang mangapil sa lumba nga anaa na sa ikaupat niining tuig nga pagpahigayon.

Gawas sa 21K, ang ubang mga kategoriya nga kombatihan mao ang 3K, 6K, 12K, 6K Tandem, ug 12K Relay.

Si SHS-ADC Alumni president Franco Soberano nga ang kita sa lumba ilang ihapak ngadto sa pundo alang sa pagtukod og teacher’s dormitory.

Alang sa dugang mga impormasyon, mahimong motawag sa cell number 0917-6294975 o landline number nga 422-4376. (ESL)