SA PAGBUKAS sa tingklase, ang Metropolitan Cebu Water District (MCWD) nihimog water testing sa nagkalain-laing publikong tunghaan sa syudad sa Sugbo nunot sa hangyo ni Konsehal Dave Tumulak, kinsa maoy pangulo sa Cebu Disaster Risk Reduction Ma­nagement

Council.

Tuyo sa water testing ang pagsuta kon luwas bang imnon ang tubig ning mga tunghaan. Ang gikolektang water samples gikan sa 13 ka mga nga gisilbihan sa MCWD pulos nakapasar.

Apan, ang water sample nga nakuha gikan sa kontaminadong gripo sa City Central Elementary School ug Talamban Elementary School, wa nakapasar.

Si MCWD Water Quality Control Division officer-in-charge Mary Jo Paylaga nipadayag nga ang kontaminasyon gihulagway niyang “domestic” diin nagpasabot nga ang gripo diin ang sample gikuha gikinahanglan nga limpyohan. Ang kontaminasyon di hulga sa panglawas apan gikinahanglan nga sa labing daling limpyohan kini.

Duha ka adlaw ang milabay human sa unang test gikuhaan pag-usab og sample City Central Elementary School og nipasar na kini.

Ang MCWD water testing laboratory nalakip sa 13 ka mga laboratory sa Central Visayas nga accredited sa Department of Health. Ang pasilidad sa Nasipit, Talamban, Cebu City makapahigayon physical, baceteriological ug chemical analyses. (PR)