GIPAHIMANGNOAN sa Philippine Atmosphe­ric Geographical Astronomical Services Admi­nistration (Pagasa) ang katawhan nga di mokompyansa karon nga nagsegig –uwan tungod kay kuyaw sa landslide ug baha.

Matod sa Pagasa nga hangtod pa karong ad­lawa masinati ang pagsigeg uwan, di lang dinhi sa Sugbo, kon di sa tibuok Central Visayas.

Si Netherlen Saletrero, weather specialist sa Pagasa, niingon nga ang low pressure area nasigpatan sa Leyte ug Samar.

Apan miklaro siya nga layo na ang kahigayonan nga mahimo kining bagyo.

Nagdala kinig baga nga dag-om mao nga mapaabotnga magsegig uwan hangtod karong adlawa.

Lakip sa ilang gipahimangnoan mao kadtong mga ginikanan, kan­sang mga anak mopauli ug mopaingon sa tunghaan nga mota­bok sa sapa nga di mokom­pyansa.

Ugmang adlawa gipa­abot nga makita na ang adlaw ug waa nay masinati nga uwan.